Persónuverndarstefna Supersoft

1. Persónuvernd

Supersoft ehf. leggur ríka áherslu á öryggi, trúnað og ábyrga meðferð persónuupplýsinga.

Við vinnum með persónuupplýsingar í samræmi við lög nr. 90/2018 um persónuvernd og reglugerð Evrópusambandsins (GDPR).

Við söfnum og vinnum aðeins með þær upplýsingar sem nauðsynlegar eru til að veita þjónustu okkar, reka hugbúnaðarkerfi, sinna samskiptum við viðskiptavini og uppfylla lagalegar skyldur.

2. Söfnun og notkun upplýsinga

Supersoft kann að vinna með upplýsingar á borð við nafn, kennitölu, netfang, símanúmer, notandaupplýsingar og samskiptasögu eftir því hvaða þjónusta er nýtt.

Upplýsingarnar eru notaðar til að veita þjónustu, uppfylla samninga, tryggja rekstur og öryggi kerfa og bæta þjónustuna.

Vinnslan byggist eftir atvikum á samningi, lagaskyldu, lögmætum hagsmunum eða samþykki.

Við seljum ekki persónuupplýsingar til þriðju aðila. Upplýsingum kann þó að vera miðlað til þjónustuaðila þegar það er nauðsynlegt vegna þjónustunnar og viðeigandi vernd er tryggð.

3. Gagnavinnsla og hugbúnaðarlausnir

Supersoft þróar og rekur hugbúnaðarlausnir, meðal annars fyrir rafrænar kannanir og kosningar, pöntunarkerfi, rafrænar afhendingar, gagnavinnslu og samtengingar upplýsingakerfa.

Við þá þjónustu kann Supersoft að vinna með upplýsingar við skráningu, rafræna auðkenningu, gagnainnflutning, sjálfvirka úrvinnslu, skýrslugerðir og miðlun gagna milli kerfa.

Þegar Supersoft vinnur persónuupplýsingar fyrir hönd viðskiptavinar er fyrirtækið almennt vinnsluaðili og viðskiptavinurinn ábyrgðaraðili.

Slík vinnsla fer fram samkvæmt fyrirmælum viðskiptavinar, viðeigandi vinnslusamningum og gildandi lögum. Supersoft notar ekki persónuupplýsingar viðskiptavina í eigin tilgangi án viðeigandi lagaheimildar.

4. Öryggi, varðveisla og vefkökur

Supersoft beitir viðeigandi tæknilegum og skipulagslegum öryggisráðstöfunum til að vernda persónuupplýsingar gegn óheimilum aðgangi, tapi og misnotkun.

Aðgangur að upplýsingum er takmarkaður við þá sem þurfa á honum að halda vegna starfa sinna.

Persónuupplýsingar eru varðveittar aðeins eins lengi og nauðsynlegt er eða lög og samningar kveða á um. Flutningur persónuupplýsinga utan Evrópska efnahagssvæðisins fer aðeins fram á grundvelli gildrar heimildar og viðeigandi verndarráðstafana.

Á vefsvæðum Supersoft kunna að vera notaðar vefkökur til að tryggja virkni, öryggi og bæta notendaupplifun. Samþykkis er aflað fyrir valkvæðum vefkökum þar sem lög krefjast þess.

5. Réttindi einstaklinga

Einstaklingar eiga rétt á upplýsingum um vinnslu eigin persónuupplýsinga og geta meðal annars óskað eftir aðgangi, leiðréttingu eða eyðingu þeirra, að uppfylltum lagaskilyrðum.

Þegar Supersoft vinnur upplýsingar fyrir hönd viðskiptavinar gæti þurft að bera slíkar beiðnir til viðkomandi ábyrgðaraðila.

6. Tengiliðsupplýsingar

Supersoft áskilur sér rétt til að uppfæra þessa persónuverndarstefnu eftir þörfum. Nýjasta útgáfa hennar verður birt á vefsíðu fyrirtækisins.